【分享】Marvel at Pitt's bubbling world
好靚！好靚！好靚！Fleur de Miraval呢支玫瑰香檳由酒標到禮盒都係粉紅色做包裝，簡直令小編少女心大爆發。更不得了嘅係睇住男神畢彼特拎住呢支酒，成件事係幾咁完美。
原來呢個計劃度咗5年架喇，畢彼特同安祖蓮娜祖莉同Perrin 家族密密斟，仲搵埋Péters 家族齊齊搞。Péters呢個家族已經有過百年歷史釀造香檳嘅經驗，係Champagne區入面嘅Cotes des Blancs 有成50英畂嘅田，其中40英畂係Grand Cru級數。
Rodolphe Péters，第六代傳人話呢支係一支非常獨特嘅酒，第一批只有20,000支。認真一支難求。Perrin家族發言人又話創造支新酒係一件藝術投資，佢亦都覺得Fleur de Miraval係同一般嘅香檳好唔同，佢係由成熟嘅Chardonnay同年輕嘅Pinot Noir混釀而成，攞個中庸之道，效果會好完美。連畢比特本人都話香檳比人一種喜慶、高質、權威、有魅力嘅感覺，不過玫瑰香檳又好似仲有好多潛力。所以男神就希望Fleur de Miraval可以重新定義玫瑰香檳嘅地位，比人睇到佢地嘅魅力所在。Fleur de Miraval唔單指係一支名人酒，更加係一個長期計劃，希望令Miraval產區中成為普羅旺斯最好嘅產區。不過呢支咁完美嘅玫瑰香檳係美國10月中先會推出，小編應該只可遠觀架姐。
我諗大家同小編一樣，通常見到嘅都係金黃色，或者蜜糖色嘅香檳。咁點解仲要整多支係玫瑰型嘅香檳？真係貪佢夠靚咩？雖然都係其中一個原因，另外可以講係口感。因為Rose Champagne 嘅製造方法係係發酵之前係會將提子汁同提子皮一齊發酵一陣。所以佢有微量單寧，口感比Blanc de Blanc 嘅口感好唔同。唔一定只係開胃酒，夾番啲清新嘅白肉都有好好嘅效果。
小編知道其實Chapuy都有出Brut Rosé Tradition。佢同Fleur de Miraval一樣，都係用Chardonnay 同Pinot Noir混釀。佢會比到車厘子、士多啤梨口味比你，無論係配餐前小食或者三文魚，同咖啡蝦都一樣夾。Chapuy呢個酒莊都唔少嘢，法國大革命後，呢個家族已經屹立係Cote des Blancs嘅Oger村，有位族人仲做埋村長。講到釀酒歷史，佢地已經有成一個多世紀嘅經驗。Chapuy系列入面，仲有日航頭等艙指定用酒，同埋神之雫介紹過。佢係我地嘅「家鄉」咁受歡迎，小編即刻想開番支賀一賀佢。