喂，俾個疫情困左係香港咁耐，唔住住酒店，真係好難安撫小編想飛既心！而家D酒店咁抵住，我諗唔到理由唔Staycation囉！住酒店要打卡是常識吧，打卡配美酒是常識吧！

1. 打卡位1：「美景早餐照」
   識食，梗係係張床度搵個維港景陪住食早餐啦。雙煎太陽蛋、蜜糖烘多士、朱古力croissant、水果盤，加埋果汁果醬，睇住陽光閃閃既維港，你都咪話唔爽呀～個個都食早餐，唔通個個都齋食早餐咩。小編一於襯返支西班牙Cava，成個Morning即時升晒級呀！L'Origan Brut Nature Cava由西班牙巴塞隆納文華東方指定合作釀製，酒色陽光色金黃，氣泡綿密細滑，入口花香味濃，好chill呀～放上IG，一定爆like！
   
2. 打卡位2：「奢華出浴照」
   香港地寸金尺土，想有個浴缸都難呀！難得可以Staycation，一定要放一缸水、點香薰、放浴鹽，或者灑玫瑰花瓣、放滿泡泡，黎返個又放鬆又瘦身又排毒既浸浴！小編最鍾意天然散發既香味架啦～ 講到高貴花香果香，唔可以唔提Chapuy Brut Rose Tradition。睇到酒色就已經心心眼～一打開樽果下香氣，真係唔輸得，聞到都軟一軟呀，有輕盈花香又有紅色果香味道，比一般香檳更有層次，連日航都愛用Chapuy既香檳。呀，你話帶同徐睿知既髮夾襯小編多D，定BLACKPINK Jenni既黑色蝴蝶夾打卡會好睇D呢？
   
3. 打卡位3：「燭光晚餐照」
   好多Staycation套餐都包餐晚餐，小編好耐都未試過去酒店食Fine Dining啦。化返個靚妝，穿連身裙高跟鞋，回頭率極高！難得兩個人食飯，又點可以放過放閃既機會，一定要放上IG，大家分享有幾幸福啦。真係架，晚餐配既紅酒都係每年產量極少既Paisajes La Pasada，酒味濃郁，愈透氣變化愈多，甘草雲尼嗱味好出。唔係我為放閃而放閃，連被米芝蓮連續5 年選為世界最佳餐廳既三星西班牙餐廳 El Bulli都放La Pasada入酒單裡面！最衰啦，你地隔住個Mon飲唔到，如果你知有幾好味道，就知道小編係真係好幸福！
   
4. 打卡位4：「閨密品味照」
   小編當然唔會有異性冇人性，Staycation冇左一班好姊妹就唔完美～開返支白酒同佢地歎一歎！喂，你以為小編一班女仔，剩係識LV、Channel、YSL？No！飲酒想飲出品味，梗係要入手一支Bourgogne啦！平日飲酒味，同姊妹飲品味～Burgundy既酒有特色到連聯合國教科文組織都列Burgudy既世界遺產名錄。今次飲既係Doudet-Naudin Bourgogne Aligote Blanc，酒莊已經有百年歷史。到左今時今日依然係生產有機酒，對地球好有愛！白酒用比較少見既Aligote釀，優雅清新，散發好似香水一樣咁誘人既白花香、白桃香同檸檬香，味道仲好持久添～唔放上IG都唔知小編有班咁有內涵咁有品味閨密呢～