係時候野餐喇喂！！！

夏天嘅尾巴就嚟過去喇，終於可以做下文青，出嚟野餐，同閨蜜知己吹下水。弊家伙！太耐冇出過嚟，唔記得要準備啲咩添！唔緊要，依家幫你做個懶人包，跟實小編，包你唔會錯！

1. 野餐帳篷
   仲帶野餐墊？唔係唔得嘅，打卡仲好靚添，不過香港地天氣比較熱，小編覺得有瓦遮頭會好少少。市面上有好多選擇，由4人露營帳篷到沙灘帳篷都有。有啲嘅賣點係一秒就開到，簡值係手殘女最好嘅選擇。又有啲嘅私穩程度會高啲，有埋個簷可以閂埋，咁就唔怕陌生人望嚟望去啦。不過小編對帳篷嘅建議係：儘量搵啲物料輕身啲，要有防UV嘅功能，咁由落車地點拎到去都唔會太重。又唔會怕曬黑嘞！
2. 野餐籃/冰袋
   如果你想靚少少，望落有啲格調嘅，小編當然會推薦用籐藍。依家好多藤籃都有良好嘅間格，佢會預留位置固定餐具餐碟，就算連最容易破爛嘅酒杯佢地都會有位置固定。所以唔使擔心冇位放杯。另外，小編覺得冰袋都好需要預備一個。始終有部份食物要冷藏先可以keep到個口感同質素。仲有啲飲品需要冰袋先幫佢保到凍。
3. 托盤
   最後一件必備嘅裝備就一定係托盤。有好多朋友都會忽略咗佢，但到時冇起上嚟就好麻煩。因為草地野餐隨時塊地凹凸不平，好難放得穩啲美食飲品。呢個時候托盤就好重要，一來可以幫你有個平嘅地方放野食，二來可以打卡影相都靚啲。木質、膠質都可以，不過儘量可以買大塊啲，唔需要就住就住。

嚟到野食呢part，真係太多變化喇！小編有幾點想提醒大家嘅。
第一樣亦都係最重要個樣：唔好整太多三文治！早餐已經係食三文治，無理由午餐都仲要食番同一樣野架？！小編會建議可以連埋飲料一齊諗。如果係一家大細野餐，可以夾番啲健康嘅小食，比如沙律、水果嘅份量可以多番啲，飲品方面可以係果汁、健康果醋之類，令到小朋友係玩樂之餘都不經不覺吸收追營養嘅食物。

至於同閨蜜野餐，當然唔好放過同佢飲番兩杯嘅好機會。藍天白雲之下，微風吹送，加埋支汽泡酒chill下，真係冇得頂。先講下食物啦，當然要搵啲可以送到酒嘅食物啦，例如佐酒一流嘅Parma ham同cheese，帶多條法式面包墊下肚，仲唔係一流組合？簡單，易整，開胃，仲有咩好得過呢三樣野襯酒先？想飽肚少少同健康少少嘅，可以試下整一人一Jar嘅乳酪吖，前一晚整定，加啲新鮮水果、沙律菜同埋面包糠，到時又唔使即場又切又剪咁，大家食得又方便，其實都係一樣好選擇。

睇到呢度係咪搲曬頭唔知飲咩好呢？唔使擔心啦，小編點會唔幫你諗埋呀？如果你想豪華版野餐，你可以帶支日航頭等指定用香檳Chapuy Brut Tradition去，大家見到你開香檳，肯定笑到合唔埋嘴。不過，話又咁講，如果下下野餐開香檳，其實都幾重本下，所以小編介紹比你嘅係支打卡又靚，又唔傷荷包。Val d'Oca Punto Oro Gold Millesimato Extra Dry Spumante呢支外表一拎出嚟已經贏曬，你諗下陽光影射下成支金燦燦，仲唔閃死人！直程睇到心心眼啦！Val d'Oca Blu Millesimato Extra Dry Prosecco就冇Punto Oro咁甜，不過佢冰藍色嘅樽身，望落都已經好涼快，入口微酸，做開胃酒一流，講多個秘密你知，其實佢夾乳酪都一樣得，酸酸甜甜咁，感覺簡直冇得項！所以點解上文提到要帶個冰袋，就係因為要雪住啲酒呀，唔chill住佢，你自己都唔chill啦！