上回提到入門酒，西餐酒可以係邊方面入手，今次小編分享下最熱門嘅中式婚宴同自助餐形式可以點揀酒。

一生人一次嘅大日子，應該揀咩酒好？進級啦喂！

中式婚宴唔似西式咁會分開頭盤、餐湯、主菜、沙律、甜品咁細緻，佢好強調一酒走天涯嘅槪念。姐係點呀？睇武俠小說咩？唔係啦，不過當成個菜單係菜魚肉不停交替送上，就好難一佳餚配一美酒。呢個時候就要一支由頭carry到尾嘅酒，咁就唔使擔心賓客有唔好嘅經歷。

中式菜單由淡味嘅清蒸海石斑到濃味嘅鴻運脆皮乳豬都有，你問小編點搵一支可以配到跨度咁大嘅菜單？係有難度嘅，唔難你唔使睇我地嘅blog啦！華人社會都係紅酒為主導，所以我地都係由紅酒入手啦！

首先佢唔可以太濃味，單寧太重，否則食素菜、澱粉類食物，例如鮑魚汁炆伊麵、海鮮炒飯呢類，就會令個菜口感好粗糙同單薄，支酒又會勁乾勁澀。哇！諗起都怕怕，大家千萬唔好咁做啦。所以Tempranillo、Syrah呢類煙熏味較重嘅葡萄酒留返係屋企慢慢嘆就好喇。

反而一支果香味比較豐富，柔順單寧嘅酒就會係你嘅婚禮好伙伴。例如Grand Reyne 2018，佢有絲咁滑嘅單寧，可以化解肉類嘅肥膩感之餘，又唔會破壞曬海鮮類嘅鮮味。同埋佢好香紅色果香味、士多啤梨、紅莓果醬、微微嘅酸度，除咗可以令濃味偏咸嘅羹類菜餚會更加易入口，平衡番本身偏咸嘅口感，更可以令海鮮提升鮮味。重點係咩呀？佢係一支性價比極高嘅紅酒，攞嚟敬酒絕對唔會傷到你荷包！

至於自助餐形式嘅婚宴，一般都會包埋紅白餐酒，所以就唔使諗呢part。不過小編會提議加多款甜白酒比親友多個選擇。試幻想下一啲精緻嘅甜品加上甜白酒，簡直無得彈！Garo’Valia Moelleux 2019正正就可以滿足到你嘅需要，菊花蜜嘅金黃色，芒果、富士蘋果嘅甜蜜口感，加上各種各樣可口嘅甜點，你話在座嘅親友點樣唔比個like你先？又有好嘢食，連甜品都襯埋酒，邊個夠你細心呀？

幫你諗埋回禮又點話吖！酒鬼嘅你地當然要送番啲同酒有關嘅小禮物啦！酒塞同開瓶器都係一個唔錯嘅選擇。size細細地，賓客容易拎走，之後又會用得著，再刻埋新人嘅名上去，實記得你地兩個啦！唔使多謝小編咁好嘅提議喇，你地幸幸福福咁生活已經係小編最大嘅禮物。